Сообщения

Колö отсöг

Изображение
  Уна öн кöнкö кывл ic ны «Прожито» йылысь. Проектыс чукöртö луннебöгъяс и неважöнсянь ме накöд тшöтш уджала. Пыран сайт вылас и петö, мый чукöртöны гижöдъяс сöмын куим кыв вылын. Юася, меся национальнöй кывъяс вылас луннебöгсö он корсьысьöй? А кадръясыс пö оз тырмыны. Вот и юрö воис: меся вöд пока уджала, верма редактируйтны коми, коми-перым да удмурт кыв вылын луннебöгъяс. Колöкö   бöрынджык кодкö гижас бур исследовательскöй удж, ыдждыд отсöг историкъяслы да филологъяслы лоас. Ме тöда, мый тайö гижöдсö лыддясны йöз, кодлы абу веськодь! Тöданныд кö луннебöгъяс тайö кывъяс вылас, гижöй меным.   Р. S . 1930 вося коми дневникъяс кузя ена уджал i C ыктывкарса архивын да коркö ыджыд гижöд на йылысь дасьта жö.

Кыдзи туявны луннебöгъяс

Изображение
Медшöр темаыс, кодöн ме кык во нин мырся, тайö, дерт, луннебöгъяс (дневникъяс) туялöм. Уна небöг лыддьöм бöрын, юкся, мый колö медводз казявны, кор босьтчан тайö уджсö вöчны, кыдз исследователь. Луннебöгысь оз ков корсьысьны збыльтор. Менсьым весиг историкъяс муккöддырйи юасьöны: кыдз пö тэ верман эскыны авторыслы, колокö пö мый с i йö сэтчö гижис. А ме и ог эскы. Ме эг та вöсна пыр дневникас, корсьысьны, кон i авторыс мичмöдыштö, кöн i ылöдлыштö. Позьö öд видлавны кыв либö жанр боксянь. Мыйкö кö текстас абу, с i дзкö колö мöвпавны, мыйла тайö абу. Муккöддырйи, луннебöгсö нуöдысьысь оз гиж сэтшöмтор, мый не казявны некыдз эз вермы. Пример пыдди: мортыс гижö ассьыс олöмсö 1930 воясö СССРын, но нинöм оз пасъяв террор йылысь. Луннебöгсö нуöдысьыс век тöдö, мый сылысь гижöдъяссö кутас кодкö лыддьыны. Весиг сэк, кор тетрадьясыс бура дзебöмась, öд муккöддырйи тайö лыддьысьысьнас вермас лоны ачыс авторыс. Кад мысти весиг аслад гижöдъяс вылö видзöдан мöд синмöн. Но а Англияын и

Неуна история велöдöм йылысь

Изображение
Кор й öзыс тöдмалöны, мый ме историк, пырысь-пыр жö заводитöны юасьны менсьым кутшöмкö фактъяс. Быттьöкö ме абу историк, а энциклопедия. Менö эськö кöть войнас садьмöд да юав, Владивостоклысь лöсьöдöм, вочавидза. Эг öд весь сы мында хрономинумсö ас кадö сдайтлывл i .   Но тайö ставыс абу наука йылысь. Дас кöкъямысöд-öкмысöд нэмын, дерт, колö вöл i быть корсьны, кутшöм воö Рюрик воöма, позитивизмöн занимайтчыны.   Но талун, мыйлакö, век на гижöны сэтшöм уджъяс, кодъяс вочавидзöны сöмын öти юалöм вылö: «Збыльысь ö тайö вöл i тадз?» Колö босьтны сьöкыдджык проблемаяс, пыртны унджык выль источник, лыддьыны уджъяс не сöмын роч кыв вылын. Нöшта ставныс радейтöны юасьны, мыйла пö челядьыс школаас историясö сизим во велöдöны да некыдз оз велавны. Мый пö не с i дз? А т i аддзывл i нныд кöть öти пособие историяысь? Муккöддырйиыс öти серникузяаас сюясны сы мында факт, мый куимысь лыддьыны колö, медым гöгöрвоны. С i дз шусяна единица знаниеыс школьнöй программаас некымын сюр

Ловзьöм

Изображение
Важöн нин дум вылын вол i ыджыд мамлысь висьтъяссö гижны. Гожöмнас кайл i гортö да кыдз дзик збыль исследователь   диктофон вылö ставсö гижи. Коркö меся книга тэ йылысь гижа. Ыджыд мамö нэмсö уджал ic Пожег кустын фельдшерöн да мыйыс сöмын эз вöвлы. Водзö сы нимсянь висьтала, нимъяссö сöмын вежышты. Муртса пыри гортö, телепон звöнит ic . Вась Анна висьтал ic , мый верöсыс кувсьöма да кулан справка колö, сетан пö он. А ме мый, сета, дерт. Мортыс дыр нин висис, олöма нин. А ыджыд батьыд и шуö, кайлы пö кöть да видзöдлы, колöко мый сэтöн.  Пыри гортас, «кулöмаыд» джоджын куйлö, сэтшом   чöскыда узьö, дулльыс петö. Ертыс и юалö, мый пö воин? – А кулöмаöн висьтал ic ны да! – Да дерт, юим да ланьт i с тай. Ме и пет i бöр. Ывла вылас нин гöтырсö казял i . Вель ена шензис, ме пö Ухтаö нин челядьлы звöнитлы, мед челядь локтасны гуасьны. И збыль, мöд луннас воисны. А Вась Анналöн верöсыс сэсся 8 во на ол i с.

Коми кыв мен дона

Ceterum censeo Carthaginem esse delendam (Впрочем, я полагаю, что Карфаген должен быть разрушен) Марк Порций Катон Старший Мыйкö тай сэсся лойсьыны жö кут i сны а! Мöд ногöн и шуны он куж, кор кылан мый керсьö республикаын: коми кыв оз пö кутны сэсся школаын велöдны. Сöмын кор бать-мамыс кабала кырмаласны. Бызгысьöны, мый роч челядьлöн кадыс проста вошö, оз пö тайö кывйыс ков.  Ставныс нин сэсся пасйисны да, ме сэсся бöрö ог жö коль. Хайп вылын гижа жö, мыйла лишнöй кыв велöдöмыс ковмас олöмын. 1. А сернисö заводита математикасянь. Квайт во сайын школа помал i да, синусъяс косинусъяс ньöдчыд на эз ковмылыны. Нярга ö та вöсна? Ог, юр вем жуглöмыд век нин пöльза вайö. С i дз жö и коми кывкöд. Кымын унджык юрад кутан сюйны, сымын бурджык с i йö кутас уджавны . 2. Кодлы енджыка мойвиис и кодi тöдö комисö дзолясянь: чолöмала, тi билигвъяс. Та кузя сы мында научной гижöд эм, мый ме муккöддырйи ачым аслым завидьта. Но тайö кö т i янлы веськодь, вайöда

Вошӧм лун

-  Татьяна Викторовна, мый кутанныд вӧчны каникулъяс дырйи? - Уджавны! Велӧдысьыд лӧн тай каникулыд абу, пыр нин мыйӧнкӧн уджӧдасны. Талун со педсовет вӧлi. Вошӧм лун мӧднога кӧ.  Меным оз кажитчы, кор уджсӧ вӧчӧны педкӧдлӧм могысь. Арнас на школаын шуисны, мый колӧ вӧчны котыр, конi велӧдысьяс пыр кутасны велӧдчыны. Но колӧ ко и колӧ. Бы середаӧ кыскалӧны совещанние вылӧ. А талун тай сэсся директор и шуис, мый миян пока нинӧм на оз артмы. А кытысь и артмас, кор ми талун часысь дырджык плакат серпасалiм: кыдз нуӧдны медбур урок. Кӧть кутшӧм бура эн думышт, нинӧм оз артмы, он кӧ кут юрад, кутшӧм челядьлы тэ уроктӧ дасьтан. Да и медбурыд оз овлы. Абу ӧд ми роботъяс.  А тайӧ кадас кӧ кутшӧмкӧ лекция кывзiм или шойччим, бурджык бы вӧлi. Чайтанныд, уджавны дыш, да сiйӧн тадзи гижа? Ме, эськӧ, ог на кызь во уджав, да унатор на ог тӧд, но гӧгӧрвоа, мый тайӧн нинӧм нин челядьыдлысь он веж. Кӧть сэсся йӧкты сы водзын, оз кӧ ков сылы историяыд, оз велӧд! Мӧдтор йылысь мӧвпа

Абу велӧдысьяслӧн конференция

Т ӧрыт Петербургса университетын помасис «Язык и пространство этнокультурного диалога» конференция. Ёртӧй да  конференция нуӧдысьяс  пиысь ӧти чуйд i с да ме пырӧдчи жӧ сэтчӧ. Висьтал i коми кыв йылысь. Ме, эськӧ, абу лингвист, бокын конкӧ ола 6 во нин да коми кывсӧ вунӧда, но сюйсьывл i тай на а. Шуисны, дерт, мый енджыка зырым кыскалӧм кодь артмис, но ёртӧй шуис, мый темасӧ восьтыны ме кужи. Видл i висьтавны, мый вермӧ вайӧдны коми кыв вунӧдӧм дорӧ. Ёнджыкасӧ,дерт, ас пример вылын. Эг на вунӧд, кыдзи ичӧтдырйи вӧл i дэльӧдчӧны. Ӧнӧдз на ог ставлы висьтав, мый коми, да ас чужан кыв вылын кужа сернитны. Пыр жӧ акцент кутӧны корсьны да. Та вӧсна ӧти пӧрйӧ с i дз шусяна коми идентичностьӧй муртса эз вош. Конференция вылын нӧшта тӧдмаси Светалана Едыгаровакӧд, Хельсинки университетса учӧнӧйкӧд. Ачыс Удмуртияысь, пермскӧй кывъяс тема вылын уджалӧ.  Сылӧн докладыс вол i середаӧ, да ме эг веськав. Но век жӧ сэтшӧм рад вӧл i ылы чужан мусянь сернитны комиӧн. Унатор вылын на