Коми кыв мен дона
Ceterum censeo Carthaginem esse delendam
(Впрочем, я полагаю, что
Карфаген должен быть разрушен)
Марк Порций Катон Старший
Мыйкö тай сэсся лойсьыны
жö кутiсны а! Мöд ногöн и шуны он куж, кор кылан мый керсьö
республикаын: коми кыв оз пö кутны сэсся школаын велöдны. Сöмын кор бать-мамыс кабала
кырмаласны. Бызгысьöны, мый роч челядьлöн кадыс проста вошö, оз пö тайö кывйыс
ков. Ставныс нин сэсся пасйисны да, ме
сэсся бöрö ог жö коль. Хайп вылын гижа жö, мыйла лишнöй кыв велöдöмыс ковмас олöмын.
1. А сернисö
заводита математикасянь. Квайт во сайын школа помалi да,
синусъяс косинусъяс ньöдчыд на эз ковмылыны. Нярга ö та вöсна? Ог, юр вем жуглöмыд
век нин пöльза вайö. Сiдз жö и коми кывкöд. Кымын унджык юрад кутан сюйны, сымын
бурджык сiйö кутас уджавны.
2. Кодлы енджыка
мойвиис и кодi тöдö комисö дзолясянь: чолöмала, тi билигвъяс. Та кузя сы мында научной гижöд эм, мый ме муккöддырйи
ачым аслым завидьта. Но тайö кö тiянлы веськодь, вайöда аслам уджысь пример. Урок дырйи
висьтала волi индустриализация да коллективизация йылысь. Бура ена волi эськö кöсъя
челядьлы сетны лыддьыны кутшöмкö
художественнöй литератураысь пример, да он на тай. Рочсьыс нинöм юрö эз во.
Зато коми литеаратураысь тырыс. Со кор коми литература урокыд ковмис. Тiянлы ковмас ж
3. Налы, кодъяс чайтöны,
мый коми кывйыс оз сет велöдны роч кыв да мукöд урокъяс. Медводз кö, шыбитöй
ассьыныд смартфонтö да дугдöй пукавны интернетын. Тi казяланныд,
кыдз тiян содас кадыд. А онö кö вермöй гижны бура ЕГЭ роч
кывйысь, то бурджык эн янöдчöй и серамсö эн петкодлöй. Он кö вермы гижны кыв
вылын, кодöн ичöтдырсянь вöдитчан, тайö абу коми кыв мыжа, а тэнад дышлуныд.
Ставныс тан мыйлакö сернитöны на йылысь, кодъясöс мырдöн велöдöны, а найö велöдчынысö
оз кöсйыны. А вот классас кö лоö сöмын öти морт, кодi кöcйö кывсö велöдны, восьтасны ö сылы торъя группа? Да дасысь!
Ог на тай эскы, миян öд ставныс «эффективность» бöрся котралöны. И кодi кöсйыны кутас,
велöднысö оз вермы. (Республикаын кык гос. кыв. Тайö лоö Конституция торкалöм.
Но кутас ö кодкö найöс дорйыны? Чайта, мый оз) Сiдз тай бара и артмö, мый унджык бöрсяыс мунам, а ог зильджык да косйысь борсяыс.
P.S. Хайп кывсö коми вылас эз на вуджодны?
Комментарии
Отправить комментарий