Неуна история велöдöм йылысь

Кор йöзыс тöдмалöны, мый ме историк, пырысь-пыр жö заводитöны юасьны менсьым кутшöмкö фактъяс. Быттьöкö ме абу историк, а энциклопедия.

Менö эськö кöть войнас садьмöд да юав, Владивостоклысь лöсьöдöм, вочавидза. Эг öд весь сы мында хрономинумсö ас кадö сдайтлывлi.  Но тайö ставыс абу наука йылысь. Дас кöкъямысöд-öкмысöд нэмын, дерт, колö вöлi быть корсьны, кутшöм воö Рюрик воöма, позитивизмöн занимайтчыны.  Но талун, мыйлакö, век на гижöны сэтшöм уджъяс, кодъяс вочавидзöны сöмын öти юалöм вылö: «Збыльысь ö тайö вöлi тадз?» Колö босьтны сьöкыдджык проблемаяс, пыртны унджык выль источник, лыддьыны уджъяс не сöмын роч кыв вылын.

Нöшта ставныс радейтöны юасьны, мыйла пö челядьыс школаас историясö сизим во велöдöны да некыдз оз велавны. Мый пö не сiдз? А тi аддзывлiнныд кöть öти пособие историяысь? Муккöддырйиыс öти серникузяаас сюясны сы мында факт, мый куимысь лыддьыны колö, медым гöгöрвоны. Сiдз шусяна единица знаниеыс школьнöй программаас некымын сюрс (медым бура сдайтны ЕГЭ, колö тöдны 3500 унджыкысь). Мортыд вöд абу компьютер, кытчö позьö сюйыштны, да колана кадö перйыны. Тöдöмлунъяснад кö он кут уджавны, ставыс öдйö вунас.

Мый сэсся вöчны? Нинöм не велöдны?  Колö, дерт, тöдны контекст. Но колö и гöгöрвоны, мыйла тайö тöдöмлунсö юрад сюйöны. Тайö абу кокни. Неважöн на öтуввезын вöлi видео, кöнi Белый Дом шуис, мый Великобритания да Америка вермис Германияöс. Локталicны сэтчö комментаторъяс, позöр, историясö пö абу велöдöмась. Но оз ставныслы юрас во, мый историятö найö как раз бура тöдöны, а татшöмсяма высказываниеясыс нуöны ыдждыджык идеологическöй вын.

Вот тi, конкö, тöданныд, мый Невскöй битва вöлi 1240  воын, а Александр Ярославович вермис шведъясöс. Урок джын та йылысь позьö виставны, Эйзенштейнлысь фильмсö петкöодлыны. Да вот сöмын лыддьыссьö, мый ичöтик сражение и вöлöма, нинöм необычнöйыс. А вот учебникаясö пырö, экзамен вылын картасö милиметровой точностьöн муртса серпававны оз тшöктыны, воинскöй слава лун. Или мöвпыштлiнныд, мыйла выль учебникъясын сы мында вичко йылысь кутiсны гижны?. Историяыд  вель бур инструмент, кодi вермö буракодь юрвемтö мыськавны. Та вöсна и колö быд боксянь анализируйтны ставсö, мый веськалö син улад. И челядьöс тайöс вöчны велöдны.

P.S. Владивостоклöн основание – 1860 во.