Удж йылысь

         Школаын ме уджала мӧдӧд во нин, нуӧда история. Уджавнысӧ мунi университет помалӧм борся: волiны колана тӧдӧмлунъяс, косйӧм, кад.  Ӧттшӧтш пыри велӧдчыны магистратураӧ да со ӧнӧдз нокся-велӧдча-уджала. Муккӧддырйиыс вӧлi сэтшӧм сьӧкыд, мый кӧть пышйы. Абу уджавнысӧ сьӧкыд, а кадӧй вӧлi нинӧм вылӧ оз тырмы. Ӧнi, эскько, енасӧ нинӧм эз вежссьы да мортыд тай быдтор вылӧ велалӧ.
       Уджӧй менам гажа, он барай проста пукав. То нывкаыд классьыд платтьӧтӧ воштӧма да мун пӧ корсьыс. (эн юасьӧй, ог тӧд кыдзи). То бара 2 пуктӧмыд кагукуслы да директор дорӧ корӧны. Колӧ танi пасйыны, мый ме вескьӧдла медся сьӧкыд квайтӧд классъясӧн да директор ордын тшӧкыд гӧсть. Уджъертъсӧй возйӧны нин вӧлi асывсяньым сы ордын паскькӧмӧс кольны. Школаӧй менам ичӧт, частнӧй. Озыр йӧзлӧн челядьыс велӧдчӧны. Быдторйыс овлывлӧ татшӧм челядьыдкӧд да татшӧм бать-мамыдкӧд. Унаторсӧ и аддзывла: кыдзи дас кык арӧса зонлы кӧрталӧны комсӧ, кыдзи оз вермыны юкны, кодлӧн батьыс озырджык. Уджала тай на а.

Комментарии

Отправить комментарий

Популярные сообщения из этого блога

Неуна история велöдöм йылысь

Изображение
Кор й öзыс тöдмалöны, мый ме историк, пырысь-пыр жö заводитöны юасьны менсьым кутшöмкö фактъяс. Быттьöкö ме абу историк, а энциклопедия. Менö эськö кöть войнас садьмöд да юав, Владивостоклысь лöсьöдöм, вочавидза. Эг öд весь сы мында хрономинумсö ас кадö сдайтлывл i .   Но тайö ставыс абу наука йылысь. Дас кöкъямысöд-öкмысöд нэмын, дерт, колö вöл i быть корсьны, кутшöм воö Рюрик воöма, позитивизмöн занимайтчыны.   Но талун, мыйлакö, век на гижöны сэтшöм уджъяс, кодъяс вочавидзöны сöмын öти юалöм вылö: «Збыльысь ö тайö вöл i тадз?» Колö босьтны сьöкыдджык проблемаяс, пыртны унджык выль источник, лыддьыны уджъяс не сöмын роч кыв вылын. Нöшта ставныс радейтöны юасьны, мыйла пö челядьыс школаас историясö сизим во велöдöны да некыдз оз велавны. Мый пö не с i дз? А т i аддзывл i нныд кöть öти пособие историяысь? Муккöддырйиыс öти серникузяаас сюясны сы мында факт, мый куимысь лыддьыны колö, медым гöгöрвоны. С i дз шусяна единица знаниеыс школьнöй программаас некымын сюр
Далее...

Коми кыв мен дона

Ceterum censeo Carthaginem esse delendam (Впрочем, я полагаю, что Карфаген должен быть разрушен) Марк Порций Катон Старший Мыйкö тай сэсся лойсьыны жö кут i сны а! Мöд ногöн и шуны он куж, кор кылан мый керсьö республикаын: коми кыв оз пö кутны сэсся школаын велöдны. Сöмын кор бать-мамыс кабала кырмаласны. Бызгысьöны, мый роч челядьлöн кадыс проста вошö, оз пö тайö кывйыс ков.  Ставныс нин сэсся пасйисны да, ме сэсся бöрö ог жö коль. Хайп вылын гижа жö, мыйла лишнöй кыв велöдöмыс ковмас олöмын. 1. А сернисö заводита математикасянь. Квайт во сайын школа помал i да, синусъяс косинусъяс ньöдчыд на эз ковмылыны. Нярга ö та вöсна? Ог, юр вем жуглöмыд век нин пöльза вайö. С i дз жö и коми кывкöд. Кымын унджык юрад кутан сюйны, сымын бурджык с i йö кутас уджавны . 2. Кодлы енджыка мойвиис и кодi тöдö комисö дзолясянь: чолöмала, тi билигвъяс. Та кузя сы мында научной гижöд эм, мый ме муккöддырйи ачым аслым завидьта. Но тайö кö т i янлы веськодь, вайöда
Далее...

Вошӧм лун

-  Татьяна Викторовна, мый кутанныд вӧчны каникулъяс дырйи? - Уджавны! Велӧдысьыд лӧн тай каникулыд абу, пыр нин мыйӧнкӧн уджӧдасны. Талун со педсовет вӧлi. Вошӧм лун мӧднога кӧ.  Меным оз кажитчы, кор уджсӧ вӧчӧны педкӧдлӧм могысь. Арнас на школаын шуисны, мый колӧ вӧчны котыр, конi велӧдысьяс пыр кутасны велӧдчыны. Но колӧ ко и колӧ. Бы середаӧ кыскалӧны совещанние вылӧ. А талун тай сэсся директор и шуис, мый миян пока нинӧм на оз артмы. А кытысь и артмас, кор ми талун часысь дырджык плакат серпасалiм: кыдз нуӧдны медбур урок. Кӧть кутшӧм бура эн думышт, нинӧм оз артмы, он кӧ кут юрад, кутшӧм челядьлы тэ уроктӧ дасьтан. Да и медбурыд оз овлы. Абу ӧд ми роботъяс.  А тайӧ кадас кӧ кутшӧмкӧ лекция кывзiм или шойччим, бурджык бы вӧлi. Чайтанныд, уджавны дыш, да сiйӧн тадзи гижа? Ме, эськӧ, ог на кызь во уджав, да унатор на ог тӧд, но гӧгӧрвоа, мый тайӧн нинӧм нин челядьыдлысь он веж. Кӧть сэсся йӧкты сы водзын, оз кӧ ков сылы историяыд, оз велӧд! Мӧдтор йылысь мӧвпа
Далее...